NJOFTIM PËR VEND TË LIRË PUNE
Instituti Kombëtar i Regjistrimit te Trashëgimisë Kulturore, Rr: “Aleksandër Moisiu” Nr. 76 ish Kinostudio “Shqipëria e Re”, Tiranë shpall 1 (një) vend të lirë pune në pozicionin:
Specialist
Sektori i zyrave rajonale të regjistrimit, eksportit dhe antitrafikut të pasurive kulturore
Kategoria e pagës IV-3
- Kushtet për konkurim dhe kriteret e veçanta:
1.1 Kandidati duhet të plotësojë kushtet për konkurim si vijon:
- Të jetë shtetas shqiptar;
- Të ketë zotësi të plotë për të vepruar;
- Të zotërojë gjuhën shqipe të shkruar dhe të folur;
- Të jetë në kushte shëndetësore që e lejon të kryejë detyrën përkatëse;
- Të përmbushë kërkesat ligjore për nivelin arsimor dhe të zotërojë aftësitë e nevojshme profesionale për vendin përkatës të punës;
- Të mos jetë dënuar me vendim të formës së prerë të gjykatës për kryerjen e një krimi apo për kryerjen e një kundravajtje penale me dashje;
- Ndaj tij të mos jetë marrë masë disiplinore e largimit nga puna për shkak të një shkeljeje të rëndë disiplinore.
Kandidatët duhet të plotësojnë kërkesat e posaçme si vijon:
- Duhet të ketë kryer arsimin e lartë, studimet e nivelit të parë/dytë (Master Shkencor) në degët, histori, arkeologji, trashëgimi kulturore, arte, arkitekturë, inxhinieri informatike apo elektronike, shkenca të edukimit, shkenca politike, shkenca shoqërore ose në një degë të përafërt me to;
- Preferohet të jetë i specializuar (shoqëruar me çertifikatë ose diplomë përkatëse) dhe me një eksperiencë pune jo më pak se 1 vit në profesion/administratë publike;
- Të zotërojë të paktën një gjuhë të huaj të BE-së vërtetuar me çertifikatën përkatëse;
- Të zotërojë mirë programet Microsoft Word, Excel, etj;
- Të ketë aftësi të mira komunikimi individuale dhe në grup.
- Dokumentacioni, mënyra dhe afati i dorëzimit
Kandidatët që aplikojnë duhet të dorëzojnë dokumentat si më poshtë:
- Jetëshkrim (CV);
- Fotokopje të diplomës dhe të listës së notave të noterizuara;
- Fotokopje të librezës së punës (të gjitha faqet që vërtetojnë eksperiencën në punë);
- Vërtetim për pagimin e Kontributeve Shoqërore dhe Shendetësore;
- Fotokopje të letërnjoftimit (ID);
- Vërtetim të gjendjes shëndetësore;
- Vërtetim të gjendjes gjyqësore;
- Çdo dokument tjetër që vërteton trajnimet, kualifikimet, arsimin shtesë, vlerësimet pozitive, rekomandime apo të tjera të përmendura në jetëshkrimin e kandidatit.
* Afati për dorëzimin e dokumentave pranë IKRTK është deri në datën 1.11.2024.
- Fusha e njohurive, aftësitë dhe cilësitë mbi të cilat do të zhvillohet intervista
Kandidatët do të testohen në lidhje me:
- Njohuritë mbi Ligjin nr. 27/2018 “Për trashëgiminë kulturore dhe muzetë”;
- Njohuritë mbi Ligjin nr. 7961, datë 12.7.1995 “Kodi i Punës i Republikës së Shqipërisë” i ndryshuar;
- Njohuritë mbi Ligjin nr. 90/2012 “Për organizimin dhe funksionimin e administratës shtetërore”;
- Njohuritë mbi Ligjin 9131, datë 08.09.2003 “Për rregullat e etikës në administratën publike“.
- Njohuritë mbi VKM nr. 432, datë 26.06.2019 “Për funksionimin dhe mënyrën e zhvillimit të veprimtarisë së Institutit Kombëtar të Regjistrimit të Trashëgimisë Kulturore”;
- Njohuritë mbi VKM nr. 583, datë 6.10.2021 “Për përcaktimin e procedurave dhe mënyrave të administrimit të bazës të të dhënave të pasurive kulturore të vjedhura”.